Langanes h.f. var stofnað 22.
september árið l975 af þeim Árna Helgasyni,
Bjarna Aðalgeirssyni, Sigurði Jónssyni, Þórunni
Þorsteinsdóttur og Skálavík hf,
Öll til heimils á Þórshöfn. Tilgangur
félagsins var að kaupa og gera út fiskiskip.
Keyptur var nýr l00 lesta stálbátur frá
Vélsmiðju Seyðisfjarðar hf., sem gefið
var nafnið Langanes Þ.H. 32l.
Árið l978 seldi félagið bátinn
til Grundarfjarðar í skiptum fyrir 76 lesta eikarbát
og var sá bátur einnig nefndur Langanes Þ.H.
32l.
Árið l979 keypti Bjarni Aðalgeirsson og fjölskylda
hluti annarra eigenda í félaginu og hinn l7. september
l979 var starfsemi félagsins flutt til Húsavíkur.
Þá var skipt um nafn á bátnum og nefndur
Björg Jónsdóttir Þ.H. 32l.
Félagið hefur síðan starfað á
Húsavík. Fyrstu árin á Húsavík
var starfsemin einkum fólgin í veiðum á
bolfiski og rækju, en árið l987 keypti félagið
Ljósfara RE, sem er 273 tonna stálbátur,
að hálfu á móti Fiskiðjusamlagi Húsavíkur
hf. Stofnað var hlutafélagið Brík um þá
útgerð og báturinn nefndur Galti Þ.H.
320. Árið l988 keypti Langanes h.f. hlut Fiskiðjusamlags
Húsavíkur í Brík hf. og var það
félag síðan sameinað Langanesi hf. og nafni
skipsins breytt og það nefnt Björg Jónsdóttir
Þ.H. 32l. Frá þessum tíma hefur starfsemin
einkum verið fólgin í veiðum á uppsjávarfiski
og rækju. Á árunum l99l-l996 gerði félagið
út tvö skip Björgu Jónsdóttur Þ.H.
32l og Björgu Jónsdóttur II. Þ.H. 320.
Árið l996 voru bæði þessi skip seld
og keyptur togarinn Höfðavík frá Akranesi
og því skipi breytt í fjölveiðiskip
fyrir uppsjávarveiðar og togveiðar. Árið
l998 var skipið síðan lengt og endurbætt
á ýmsan hátt, var það verk unnið
í Póllandi. Í byrjun árs 2000 keypti
félagið Siglu SI, sem er 273 nt. stálskip og
var það nefnt Sigurður Jakobsson Þ.H. 320.
Í dag er félagið því með í
rekstri tvö skip Björgu Jónsdóttur Þ.H.
32l og Sigurð Jakobsson Þ.H. 320 og eru þau gerð
út á uppsjávarveiðar og rækju.
Fyrsti skipstjóri hjá félaginu var Árni
Helgason á Þórshöfn. Þeir starfsmenn
sem lengst hafa starfað hjá félaginu eru Bjarni
Aðalgeirsson, sem verið hefur framkvæmdastjóri
frá upphafi, Guðjón Björnsson, sem hóf
störf sem skipstjóri hjá félaginu árið
l979 og starfaði síðan einnig við útgerðina
í landi til ársins l989 og Aðalgeir Bjarnason
sem verið hefur skipstjóri hjá félaginu
samfellt frá árinu l983.
22. janúar 2002 keypti SR-mjöl, sem síðar
sameinaðist Síldarvinnslunni, hlut í Langanesi.
Í kjölfar þess var stjórn skipuð:
stjórnarformaður: Bergþór Bjarnason,
Reykjavík
meðstjórnandi: Aðalgeir Bjarnason, Húsavík
meðstjórnandi: Heimir Haraldsson, Reykjavík
varastjórn: Sigurður Bjarnason, Hafnarfirði
varastjórn Þórður Jónsson, Siglufirði
framkvæmdastjóri verður áfram Bjarni
Aðalgeirsson, Húsavík og skrifstofa félagsins
verður áfram að Skólagarði 6,
Húsavík. |